Олимпиадаға, қазақ және орыс тілінде оқитын ауыл мектептерінің тек 9- сынып оқушылары ерікті түрде қатыса алады.
IQANAT ОЛИМПИАДАСЫНЫҢ КЕЗЕҢДЕРІ Олимпиада үш кезең бойынша өткізіледі: • бірінші кезең - аудандық, Қордың жыл сайынғы академиялық күнтізбесіне сәйкес мерзімде жергілікті атқарушы органдардың көмегі арқылы облыстық үйлестірушілер өткізеді; • екінші кезең - облыстық, Қордың жыл сайынғы академиялық күнтізбесіне сәйкес мерзімде облыс орталықтарында жергілікті атқарушы органдардың көмегі арқылы облыстық үйлестірушілер өткізеді; • үшінші кезең – республикалық, Қордың жыл сайынғы академиялық күнтізбесіне сәйкес мерзімде өткізіледі.
Бірінші кезең. Бірінші турда Қатысушы бейімділігін анықтау үшін барлық пәндер бойынша тест тапсырады. Бағыттар (оқушылардың табиғи дарыны мен бейімділігін анықтау): ✓ Тілдік («Қазақ тілі» пәні - қазақ тілінде оқитындарға, «Орыс тілі» пәні орыс тілінде оқитындарға, қазақ (орыс) тілін дұрыс қолдану дағдыларын анықтауға арналған сұрақтар, мәтінді түсіну және қорытынды жасай білу, сөздік қорын, синтаксис пен орфографияны қолдану); ✓ Математикалық («Математика» пәні, математиканың негізгі ұғымдарын қолдану және осы ұғымдарға тәсілдерді қолдану дағдыларын анықтауға арналған сұрақтар, негізгі математикалық қатынастарды қолдана отырып абстрактілі тәсілді орындау, күнделікті өмірде негізгі математикалық әдістерді қолдану); ✓ Жаратылыстану («Физика», «Биология», «Химия» пәндері, физика, биология және химияның негізгі түсініктері мен қағидаларын қолдану дағдыларын анықтайтын сұрақтар); ✓ Гуманитарлық («Тарих», «География», «Әлеуметтану» пәндері, тарих, география және әлеуметтану пәндерінде негізгі ұғымдар мен қағидаларды қолдану дағдыларын анықтауға арналған сұрақтар).